Albin Kurti premtoi se do të heqë TVSH-në për librat
I nominuari për kryeministër nga Lëvizja Vetëvendosje, Albin Kurti sot ka vizituar Panairin e Librit që është hapur dje në Prishtinë.
Ai gjatë kësaj vizite u ka thënë drejtuesve të Shtëpive Botuesve se me ardhjen e VV së në qeverisje do ta heqin TVSH-në për librin dhe se libri nuk do të trajtohet si mall.
“Do ta heqim TVSH-në për librat. Nuk do ta trajtojmë librin asnjëherë si mall të zakonshëm dhe nuk do të lejojmë kurrfarë pengese në qarkullimin e librave. Vetëvendosje është subjekti i cili është i interesuar t’i sjellë në politikë dijen, shkencën, kulturën, studimet. Prandaj Vetëvendosje dhe libri janë bashkë, e do të jenë bashke”, tha Kurti.
Panairin e Librit po sot e ka vizituar edhe kandidati për kryeministër nga LDK-AKR-Alternativa, Avudallh Hoti./21Media
