Presidenca: Data e zgjedhjeve lokale caktohet ditëve në vijim
(Lajm i përditësuar)
Presidenca: Data e zgjedhjeve lokale caktohet ditëve në vijim
Krasniqi: Për neve të gjitha datat janë të pranueshme
Kryetari i PDK-së, Memli Krasniqi pas takimit me Presidentën, Vjosa Osmani tha se PDK-ja pranon të gjitha datat e zgjedhjeve, por sipas tij, zgjedhjet duhet të mbahen sa më shpejt.
”Për neve të gjitha datat janë të pranueshme, por prefernca jonë do të ishte sa më herët, ose dy datat 19 tetor apo 11 tetor”, tha Krasniqi.
Haxhiu: 5, 12 apo edhe 19 tetor datat e duhura për zgjedhje
Deputetja e VV-së, Albulena Haxhiu e cila në takim me Presidenten e Kosovë, Vjosa Osmanin për caktimin e datës së zgjedhjeve lokale mori pjesë në vend të kryetarit të VV-së, Albin Kurti.
”Ne paraqitem qendrimin tonë që është me rëndësi që zgjedhjet lokale t⌂ mbahen sa më shpejt. Për neve është mundësi data 5 tetori, 12 apo edhe 19 tetor”, tha Haxhiu.
Haradinaj: Propozova 12 tetorin për zgjedhjet lokale
Kryetari i AAK-së, Ramush Haradinaj ka deklaruar se në takimin konsultativ të thirrur nga Presidentja e Republikës, znj. Vjosa Osmani-Sadriu, për caktimin e datës së zgjedhjeve komunale, ka propozuar 12 tetorin si datën e duhur për zgjedhjet lokale.
”Propozova që këto zgjedhje të mbahen më 12 Tetor 2025. Kjo datë është plotësisht në përputhje me afatet ligjore. Shpresoj që Presidentja ta shfrytëzojë të drejtën e saj kushtetuese dhe të përfillë këtë propozim”, ka shkruar Haradinaj.
Ka përfunduar takimi i i presidentes, Vjosa Osmanit me përfaqësuesit e subjekteve politike.
Nis takimi i presidentes me përfaqësuesit e partive politike
Ka filluar takimi i presidentes, Vjosa Osmanit me përfaqësuesit e subjekteve politike.
Ky takim po zhvillohet në kuadër të konsultimeve për caktimin e datës së zgjedhjeve lokale.
Në takim nuk po marrin pjesë përfaqësues të Listës Serbe.
Pas përfundimit të konsultimeve, presidentja Osmani do ta bëjë publike datën e zgjedhjeve.
