Presidentja e Republikës së Kosovës, Vjosa Osmani gjatë një interviste televizive përmendi këngën “Llafe, Llafe” të këngëtares së njohur, Dafina Zeqirit.
Gjersa po komentohej shkarkimi i Valdete Dakës nga pozita e kryetares së Komisionit Qendror të Zgjedhjeve dhe kritikat pasi Presidentja mori këtë vendim, Osmani ka cituar një pjesë të këngës së Dafinës.
‘’Ata që flasin e ka kërkuar këtë ai ose ajo, janë llafe llafe, qysh thotë Dafina, kështu që duhet edhe me i injoru’’, tha Osmani.
Menjëherë pas kësaj, reagoi artistja.
“Mirmëngjesi”, ka shkruar ajo, ku edhe ndau një pjesë të intervistës.
Ndryshe, Dafina së fundmi ka publikuar albumin “Dafinë Moj”, këngët e të cilit mblodhën miliona shikime në Youtube./21Media
