Presidentja Osmani pritet me nderime mbretërore në Brunei Darusaalam

Presidentja e Kosovës, Vjosa Osmani, është pritur me nderime mbretërore gjatë vizitës së saj shtetërore në Brunei Darussalam, duke shënuar një moment historik në marrëdhëniet dypalëshe.

Në një postim në rrjetet sociale, Osmani ndau pamje madhështore nga ceremonia zyrtare, duke theksuar miqësinë dhe respektin e ndërsjellë ndërmjet Kosovës dhe Sulltanatit të Bruneit.

”Pritja me nderime mbretërore në kuadër të vizitës shtetërore në Brunei Darusaalam. Një moment historik që thekson miqësinë dhe respektin ndërmjet Republikës së Kosovës dhe Sulltanatit të Bruneit”, thuhet në postimin e Osmanit. /21Media