Klubi kosovar i futsallit Prishtina 01 nis sot aventurën në fazën Elite Raund në Ligën e Kampionëve.
Prishtina 01 është në grup me skuadra si Benfica, Futsal Dobovec dhe Kairat Almaty.
Të gjitha ndeshjet e këtij grupi zhvillohen në Prishtinë, përkatësisht në Pallatin e Rinisë dhe të Sporteve.
Ndeshja hapëse zhvillohet mes SL Benfica dhe Futsal Dobovec nga ora 17:00.
Nga ora 20:00 do të zhvillohet ndeshja tjetër mes FC Prishtina 01 dhe Kairat Almaty.
Biletat për të dyja ndeshjet kushtojnë 3 euro dhe mund t’i blini në pllaton e Pallatit të Rinisë dhe Sporteve.
