Ymer Ymeri nga Sindikata e Bashkuar e Arsimit, Shkencës dhe Teknologjisë, sonte në RTV21 u shpreh se me protestën e 20 majit synojnë edhe një herë t’i thonë Qeverisë që t’i dëgjojë kërkesat e të punësuarve.
Ymeri në “Click” tha se ndoshta protesta do të zgjasë 2-3 orë.
Sipas tij, nëse edhe ndërmjetësuesi edhe protesta s’kanë rezultat, pritet greva e përgjithshme.
Ndryshe, në shenjë revolte për mos plotësimin e kërkesave të tyre, mësimdhënësit sot kanë hyrë në grevë një orëshe. Ndër kërkesat e tyre, mësimdhënësit, por edhe punëtorët e sektorit publik, kërkojnë 100 euro shtesë në paga deri në miratimin e Ligjit të pagave./21Media
