Policia ruse ka arrestuar më shumë se 700 persona në protestat kundër luftës në dhjetëra qytete pasi Presidenti Vladimir Putin dërgoi trupa për të pushtuar Ukrainën.
Rreth 2,000 njerëz u mblodhën pranë sheshit Pushkin në qendër të Moskës, ndërsa deri në 1,000 njerëz u mblodhën në ish-kryeqytetin perandorak Shën Petersburg.
Pushtimi i Ukrainës po ndodh gjatë një goditjeje të paprecedentë ndaj opozitës ruse, ku shumica e liderëve të protestës u vranë, u burgosën ose u detyruan të largohen nga vendi.
Lideri i burgosur i opozitës Alexei Navalny, i cili dikur mobilizonte protestat më të mëdha të Rusisë kundër Putinit, po vuan një dënim prej dy vjet e gjysmë jashtë Moskës.
Rusia hodhi raketa në shumë qytete të Ukrainës, përfshirë kryeqytetin, Kiev. Sulmi filloi menjëherë pasi presidenti rus, Vladimir Putin, njoftoi në televizion atë që ai e përshkroi si një “operacion special ushtarak”, të cilin ukrainas thonë se është një pushtim në shkallë të plotë të vendit të tyre, i dyti më i madhi në Evropë./21Media
