Me formatin e ri të garash dhe ndryshimet në shpërndarjen e të ardhurave, finalistët e këtij viti Inter dhe PSG kanë arritur fitimet më të larta në sezon në historinë e Ligës së Kampionëve.
Ndeshja do të luhet sonte në orën 21:00 në Allianz Arena të Munihut. Fituesi, përveç fitimit të trofeut, duhet të arrijë të ardhura rreth 150 milionë euro, që është shuma më e lartë për një klub të vetëm në një sezon.
Interi dhe PSG-ja kanë tejkaluar të ardhurat totale të Real Madridit të vitit të kaluar, i cili fitoi Ligën e Kampionëve dhe 138.8 milionë euro.
Të dy finalistët e këtij viti tashmë kanë kaluar shifrën e 135 milionë eurove. Interi kishte një fitim më të madh në fazën e grupeve falë më shumë fitoreve, ndërsa PSG kompensoi diferencën me rezultatet e tyre në fazën eliminatore.
Klubi fitues sonte do të marrë 10.5 milionë euro shtesë, përfshirë 4 milionë euro që lidhen me paraqitjen e tyre në Superkupën e UEFA-s kundër fituesit të Ligës së Evropës, Tottenham.
Të ardhurat totale të klubeve që marrin pjesë në Ligën e Kampionëve dhe Superkupën janë 2.4 miliardë euro.
Edhe pse numri i pjesëmarrësve është rritur nga tridhjetedy në tridhjetegjashtë, janë rritur edhe të ardhurat mesatare për klub. Një total prej dy miliardë eurosh u shpërndanë sezonin e kaluar.
