Paris Saint-Germain ka shkruar historinë duke u shpallur kampione e Ligës së Kampionëve për herë të parë, pas një fitores spektakolare 5-0 ndaj Interit në finalen e madhe.
Nga minuta e parë, skuadra franceze tregoi superioritet absolut në fushë. Achraf Hakimi hapi serinë e golave në minutën e 12-të, duke çuar Parisin në avantazh me një goditje precize pas një kundërsulmi të shpejtë. Më pas, në minutën e 20-të, Désiré Doué dyfishoi epërsinë me një finalizim brilant, duke nxjerrë në pah talentin e tij të madh.
Interi u mundua të kundërpërgjigjej, por pa sukses, duke qenë i pafuqishëm përballë presionit të Parisit dhe i pamundur të krijojë raste të rrezikshme.
Në minutën e 64-t, Doué shënoi edhe golin e dytë personal dhe të tretin për PSG-në, duke vulosur fatin e finales dhe duke i dhënë skuadrës franceze një avantazh pothuajse të pakapërcyeshëm.
Pak minuta më vonë, në të 74-tën, Khvicha Kvaratskhelia shtoi edhe një goditje të fortë me golin e tij, duke shënuar për 4-0 dhe duke shkaktuar shpërthim gëzimi në tribunat e tifozëve parisienë.
Në minutën e 87-t, Mayulu vulosi triumfin për PSG-në me golin e pestë spektakolar, duke bërë që festa e kampionëve të marrë përmasa madhështore.
Kjo fitore historike sjell në Paris trofeun më të rëndësishëm të futbollit evropian dhe vulos suksesin e një projekti të gjatë dhe ambicioz. PSG tashmë është kampione e kontinentit, duke shpresuar që ky triumf të jetë fillimi i një epoke të re dominimi në futbollin evropian.
