Qeveria e Maqedonisë së Veriut sot shpalli tri ditë zie për shkak të tragjedisë që ndodhi mbrëmë në Covid-Qendrën në Tetovë, njoftuan nga Qeveria.
Siç njofton gazetarja e TV21 nga terreni, Qeveria pranoi ndihmë nga vendet aleate për të siguruar ekspertë për të hetuar shpërthimin e zjarrit.
Ndryshe, nga Ministria e Shëndetësisë, nëpërmjet një kumtese lëshuar mediave theksuan se nga zjarri i shpërthyer në Covid-Qendrën në Tetovë, jetën e humbën 14 pacientë.
“Ministria e Shëndetësisë, informon se në zjarrin që shpërtheu në Covid-Qendrën në Tetovë kanë humbur jetën 14 persona. Në Covid-Qendrën në kohën kur ka shpërthyer zjarri ka pasur 26 pacientë, 12 pacientët e tjerë po trajtohen në Spitalin e Tetovës dhe janë jashtë rrezikut për jetë. Nuk ka viktima nga personeli mjekësor, disa me lëndime të lehta”, thanë nga Ministria e Shëndetësisë”, transmeton TV21./21Media
