Buxheti do të votohet në javën e tretë të janarit
Qeveria e Kosovës ka shtyrë votimin e buxhetit 2019.
Buxheti 2019 do të votohet në javën e tretë të janarit. Kështu bëri të ditur kryeministri i Kosovës, Ramush Haradinaj gjatë mbledhjes së sotme të Qeverisë.
Ai tha se në seancën e cila do të mbahet në javën e trete të janarit do të jenë prezent të gjithë deputetët.
Kuvendi i Kosovës më 21 dhjetor ka miratuar në parim Ligjin për Buxhetin e vitit 2019.
Buxheti i Kosovës për vitin 2019 parashihet të jetë 2.3 miliardë euro./21Media
