Rama e Dendias diskutuan marrëdhëniet dypalëshe e zhvillimet rajonale
Ministri i Jashtëm grek, Nikos Dendias ndau sot në rrjetin social “Twitter” një foto nga takimi me kryeministrin Edi Rama, në kuadër të vizitës së tij në vendin tonë.
Dendias shkruan se ai u prit nga Rama në një drekë pune, teksa në qendër të bisedimeve të këtij takimi ishin pikërisht marrëdhëniet bilaterale mes dy vendeve, perspektiva evropiane dhe zhvillimi i mëtejshëm rajonal.
“Duke përfunduar vizitën time në Tiranë, sot u prita për një drekë nga kryeministri i Shqipërisë Edi Rama. Marrëdhëniet dypalëshe, perspektiva e Shqipërisë drejt BE-së dhe zhvillimet rajonale ishin në fokus të diskutimit”, shkruan Dendias.
Concluding my visit to #Tirana, I was hosted today for a lunch by #Albania PM @ediramaal. Bilateral relations, 🇦🇱 ’s #EU perspective & regional developments in focus. pic.twitter.com/TTGaCQGQKo
— Nikos Dendias (@NikosDendias) December 21, 2022
