Reali e Arsenali nuk gabojnë, United shijon fitoren e parë në Ligën e Kampionëve
Kanë përfunduar të gjitha ndeshjet e sotme të Ligës së Kampionëve, të vlefshme këto për xhiron e tretë të fazës së grupeve të këtij sezoni.
Pas plot 90’ minutave lojë të zhvilluara në stadiumin “Municipal de Braga”, Reali e ka mposhtur skuadrën e Bragas me rezultat të ngushtë 2:1.
Golat për Realin i shënuan Rodrygo (minuta e 16’) dhe Bellingham (minuta 61’), ndërsa për Bragan golin e nderit e shënoi Alvaro Djalo në minutën e 63’.
Fitore me rezultat të njëjtë 2:1 regjistroi edhe Arsenali, i cili e mposhti 2:1 si mysafirë skuadrën e Sevillas.
Te “Topçinjtë” golashënues ishin Martinelli (minuta e 45+4’) dhe Gabriel Jesus (minuta e 53’), kurse te Sevilla shënoi Nemanja Gudelj (minuta e 58’).
Ndërkaq, fitoren e parë në Ligën e Kampionëve e ka shijuar Manchester United, i cili fitoi 1:0 ndaj Copenhagen.
Golin e vetëm të ndeshjes e shënoi Harry Maguire, i cili i siguroi fitoren United në minutën e 72’ të ndeshjes.
Për United kjo ishte fitorja e parë në këtë edicion të Ligës së Kampionëve, pas tri ndeshjeve të zhvilluara.
