Real Madridi po vazhdon me bilanc të njëqindpërqind të fitoreve pasi ka triumfuar edhe ndaj rivalit lokal Atletico Madrid.
Skuadra e drejtuar nga strategu italian Carlo Ancelotti ka triumfuar me rezultat 2-1 në “Wanda Metropolitano” për të vazhduar kështu qëndrimin në vendin e parë në tabelën e La Ligas.
Dy golat e Real Madridit u realizuan në pjesën e parë nga Rodrygo në minutën e 18’ dhe Valverde në të 36-tën.
Ndeshjen shumë më interesante në fund e bëri goli i Hermosos në minutën e 83’ për 2-1, por kjo ishte e gjitha për skuadrën e Simeones.
Reali e kryeson tabelën e 18 pikë pas gjashtë ndeshjeve, kurse Atletico Madridi mbetet në vendin e shtatë me 10 pikë.
