Artistja Ronela Hajati do ta përfaqësojë Shqipërinë në Eurovision Song Contest 2022 me këngën “Sekret”.
Ronela do të performojë në natën e parë gjysmëfinale të festivalit evropian, e para në renditje.
Tashmë në Torino të Italisë kanë nisur provat zyrtare për shfaqjen e madhe. Faqja zyrtare e Eurovisionit në Instagram ka publikuar disa pamje nga provat e Ronelës, të cilat e ka pasur dje.
Pamje nga këto prova në rrjetet sociale ka publikuar edhe vet Ronela në Instagram.
“Provat e para, të mbaruara, Shqipëria hap mbrëmjen e 10 majit”, ka shkruar Ronela poshtë fotografive të publikuara në Instagram.
Nata e parë gjysmëfinale e “Eurovision 2022” mbahet më 10 maj, kurse më 12 maj nata e dytë gjysmëfinale. Finalja e madhe mbahet më 14 maj./21Media
