Rrahen nxënësit e shkollës së mesme në Kamenicë, arrestohen tre të mitur

Nxënës në shkollën e mesme në Kamenicë janë rrahur mes vete të enjten, e dy prej tyre kanë pësuar lëndim të rëndë trupor.

Tre të mitur janë arrestuar.

Policia ka konfiskuar një boks të metalit që dyshohet se është përdorur.

“Janë arrestuar tre të dyshuar meshkuj kosovarë, pasi që i kanë sulmuar fizikisht dy viktimat meshkuj kosovarë. Të lënduarit kanë pranuar tretman mjekësor. Si dëshmi është konfiskuar një boks i metalit, që dyshohet të jetë përdorur në rast. Me vendim të prokurorit, të dyshuarit janë dërguar në mbajtje”, thuhet në raportin e PK-së.