Ministria e Bujqësisë e ka rrënuar objektin ku pritet të ndërtohet ndërtesa e re e kësaj ministrie në Prishtinë.
Objekti i rrënuar ka funksionuar më herët si pompë derivatesh.
Lidhur me projektin, ministri i Bujqësisë, Armend Muja, ka deklaruar se ndërtimi i objektit të ri paraqet një hap të rëndësishëm drejt krijimit të kushteve më të mira për funksionimin e ministrisë dhe ofrimin e shërbimeve më efikase.
E, gjatë aksionit të premten është arrestuar Qëndrim Kryeziu, kandidat i PDK-së për deputet. Kryeziu është shoqëruar nga zyrtarët policorë pasi nuk i ka përfillur urdhrat e Policisë së Kosovës, gjatë aksionit për rrënimin e pompës në Zonën Industriale në Prishtinë, përballë objektit të Agjencisë së Kosovës për Inteligjencë./kp
