Në kuadër të pakos mbështetëse, rreth 26 mijë familje në skemën e ndihmës sociale sot do të marrin dyfishin e vlerës.
Këtë e bëri të ditur ministri i Financave, Hekuran Murati, përmes një shkrimi në Facebook.
Dje në Komisionin Hetimor për Buxhet, Punë dhe Transfere, ministri i Financave ka thënë se shtesat prej 100 euro nuk i zgjidhin nevojat familjare, por ndihmojnë.
Qeveria e Kosovës më 12 prill ka prezantuar pakon prej 100 milionë eurosh, nëpërmjet së cilës sigurohet ndihmë prej 100 eurosh për pensionistë, punëtorë të sektorit privat e publik, studentë dhe për përfituesit e skemave sociale. Kryeministri Albin Kurti ka thënë se nga kjo pako pritet që të përfitojnë rreth 800 mijë qytetarë./21Media
