Të paktën 22 persona kanë vdekur, duke përfshirë edhe kadetë, si pasojë e rrëzimit të një aeroplani ushtarak në Ukrainë.
“Kanë vdekur 22 persona. Kërkimi për dy persona të tjerë po vazhdon”, tha zëvendësministri i Brendshëm, Anton Guerashchenko
Aeroplani i tipit Antonov-26, është rrëzuar derisa po ateronte në qytetin Kharkiv, raporton BBC.
Në aeroplan ishin edhe kadetë nga Universiteti i Forcave Ajrore të Kharkivit që ishin në trajnim për fluturim gjatë përplasjes, shtojnë zyrtarë.
Dy të tjerë kanë marrë lëndime të rënda, ndërsa nuk dihet ende shkaku i rrëzimit.
Zyrtarë kanë thënë se 28 persona kanë qenë në aeroplan.
