Trajneri i Kosovës, Franco Foda do të flas sot në një konferencë për media para ndeshjes së radhës në Ligën e Kombeve kundër Rumanisë që zhvillohet më 15 nëntor.
“Dardanët” udhëtojnë në Bukuresht për një ballafaqim jetik në kuadër të grupit 2 në Ligën C dhe me një fitore eventuale do të barazohej me pikë me rumunët duke lënë kështu të hapur gjasat për kualifikim në ndeshjen e fundit ku Kosova ballafaqohet me Lituaninë në Prishtinë.
Konferenca do të zhvillohet nga ora 12:00, ndërsa stërvitja e parë e “Dardanëve” zhvillohet në orën 17:00, në stadiumin “Fadil Vokrri”.
