Rusia thotë se e ka shkatërruar grumbullimin e armëve perëndimore në Ukrainë

Rusia thotë se e ka shkatërruar një “përqendrim të madh të pajisjeve ushtarake nga SHBA dhe vendet evropiane” pranë një stacioni hekurudhor në rajonin e Kharkiv.
Ministria ruse e Mbrojtjes tha se pajisjet u goditën afër stacionit hekurudhor Bogodukhov, i cili është në veri-perëndim të qytetit të Kharkiv.
Pala ukrainase nuk e ka raportuar sulmin. Bogodukhov është granatuar vazhdimisht nga rusët.
Rusët gjithashtu pretenduan se një depo municioni u godit në Bakhmut. Për çka Ukraina tha se kishte pasur një sulm ajror aty në rajonin e Donetskut në mëngjesin e së shtunës, duke dëmtuar një fabrikë dhe duke vrarë dy persona.
Ministria ruse e Mbrojtjes tha gjithashtu se mbrojtja e saj ajrore kishte rrëzuar 13 dronë ukrainas dhe tre raketa balistike ukrainase Tochka-U ishin kapur në zonën e Izium./21Media