Sot u zhvilluan finalet e turneut ndërkombëtar “Balkan” në Sofia të Bullgarisë, ku garoi edhe boksierja kosovare, Donjeta Sadiku.
Në kuadër të finales së kategorisë deri në 60 kilogramë, Sadiku boksoi kundër anglezes, Shona Whitwell, nga e cila pësoi humbje.
Pas tre raundeve të zjarrta, gjyqtaret vendosen që Whitwell është fituese nga ky meç me rezultat 2:1, kështu Donjeta Sadiku stoliset me medaljen e bronztë në këtë turne.
Trajnerja, Mariola Sallauka është e kënaqur me boksin dhe formën që tregoi Donjeta, dhe për të këto duele ishin te mirëseardhura para kampionatit Evropian qe mbahet në muajin tetor në Budva të Malit të Zi.
