Naim Sadiku anëtar i Asociacionit të Gazetarëve në Kosovë sot i ftuar në ”Click” të RTV21 ka deklaruar se që nga muaji janar deri në muajin tetor 64 gazetarë kanë qenë pre e kërcenimeve në Kosovë.
”Gjatë periudhës Janar-tetor në Kosovë 64 gazetarë kanë qenë pre e sulmeve, madje edhe fizke”, ka thënë Sadiku.
Pre e kërcenimit me jetë sot ishte gazetari H.A, i cili u kërcënua gjatë ushtrimit të detyrës së tij.
Lidhur me këtë Prokuroria Themelore në Prishtinë në koordinim të plotë me Policinë kanë ndërmarrë të gjitha veprimet e nevojshme hetimore, me qëllim të identifikimit të dyshuarit dhe sigurimit të prezencës së të njëjtit në procedurën penale.
Sipas Prokurorisë, veprimet e ndërmarra kanë rezultuar fillimisht me arrestimin e të dyshuarit nga Policia e Kosovës, ndërkaq, me urdhër të Prokurorit të Shtetit i dyshuari është ndaluar në kohëzgjatje prej 48 orësh, për shkak të veprës penale “Kanosja”, sipas KPRK-së./21Media
