Zgjedhjet në Maqedoni
Alternativa dhe Aleanca për Shqiptarët sot do ta nënshkruajnë marrëveshjen për koalicion parazgjedhorë, për zgjedhjet e parakohshme që do të mbahen më 12 prill në Maqedoninë e Veriut.
Nënshkrimi i marrëveshjes për koalicion vjen pas disa takimeve në mes dy partive dhe vijon pasi që të dy partitë paraprakisht ishin dakordruar që në zgjedhjet e 12 prillit të garojnë së bashku.
Nga shtabet e dy partive njoftojnë se ceremonia e nënshkrimit do të shoqërohet edhe me një konferencë për media, ku fjalë rasti do të kenë dy kryetarët e partive përkatëse, Afrim Gashi dhe Zijadin Sela.
Nga atje gjithashtu deklarojnë se pas nënshkrimit, dy kryetarët dhe drejtuesit e tjerë të partive do t’i takojnë qytetarët në Çarshinë e Shkupit.
Në njoftimin e partive theksohet se ceremonia e nënshkrimit do realizohet në hotelin “Holiday Inn” në Shkup./TV21
