Ish-analisti aderon në LDK
Driton Selmanaj sot i është bashkuar Lidhjes Demokratike të Kosovës, pas deklarimeve të mbrëmshme në ”Click” të RTV21, ku u shpreh se do t’i hyjë politikës. Përveç tij, në LDK aderuan edhe Dardan Veliaj dhe Visar K. Berisha.
LDK ka mirëpritur angazhimin e tyre dhe siç thuhet në një njoftim për media beson fuqishëm drejt fitores së pakontestueshme në zgjedhjet e parakohshme parlamentare.
Ndryshe, Selmanaj mbrëmë ka thënë se ka menduar gjatë për këtë vendim dhe se nuk ka qenë e lehtë që të trajtohet si vendim futja në politikë. Selmanaj po ashtu tha se për të, vendimi për futje në politikë ka qenë i vështirë pasi që profesioni i politikanit është bërë profesioni më i urryer në vend. Në fund, Selmanaj tha se po provon të hyjë në një mal më shumë të panjohura pasi që vetëm fjalët si mjaftonin ta ndërronin gjendjen vend. /21Media
