SHBA do të transferojë armët e sekuestruara nga Irani në Ukrainë
SHBA do të transferojë mijëra armë iraniane të sekuestruara dhe municione në Ukrainë. Kjo do të shërbejë si një masë që mund të ndihmojë në përmbushjen e disa prej mungesave kritike me të cilat përballet ushtria ukrainase, ndërsa pret më shumë fonde dhe pajisje nga SHBA dhe aleatët e saj, raporton CNN.
Komanda Qendrore e SHBA pritet të shpallë politikën që këtë javë, thanë zyrtarët vendas.
Nuk është e qartë se cilat autoritete ligjore do të përdorin SHBA për të lehtësuar transferimin e armëve. Nga ana tjetër, Kombet e Bashkuara kërkojnë që armët e sekuestruara të asgjësohen ose të ruhen. Administrata e Presidentit, Joe Biden prej muajsh po peshon se si t’u dërgojë ligjërisht armët, të cilat ruhen në objektet e CENTCOM në të gjithë Lindjen e Mesme, tek ukrainasit.
