Dyshohet se droni ka lidhje me grupet Hezbollah
Zyrtarë të sigurisë së SHBA-ve njoftuan të enjten se një aeroplan amerikan ka rrëzuar një dron, i cili në afërsi të kampit ushtarak në Siri kishte shtënë ndaj forcave, të cilat i mbështesin SHBA-të.
SHBA dyshojnë se droni ka lidhje me grupet paramilitare Hezbollah, i cili mbështetet nga Irani.
Rrëzimi i dronit ka ndodhur në afërsi të kampit ushtarak në jug të Sirisë, ku koalicioni i udhëhequr nga SHBA ofron trajnime për luftëtarët, të cilët luftojnë kundër Shtetit Islam.
