Një urë është shembur në zonën e Patras në Greqi për shkak të problemeve në strukturën e saj.
Të paktën dy persona kanë vdekur në perëndim të Greqisë, pas shembjes së një ure, raportoi mediumi Metro.
Në pamjet e publikuara shihet ura e shembur, ndërsa raportohet se disa persona kanë mbetur të bllokuar poshtë saj.
Në vendin e ngjarjes, pranë qytetit Patras, kanë dalë disa autoambulanca, ndërsa nga Athina kanë shkuar ekipe të shumta të zjarrfikësve. Ura ndodhet në hyrje të unazës dhe është në ndërtim e sipër tash e dy vjet.
