Shorti i fazës eliminatore të kupave evropiane pa përfaqësuesit e klubeve

Shorti për tri garat evropiane, Champions League, Europa League dhe Conference League do të hidhet me dyer të mbyllura.
UEFA ka njoftuar se do të përcaktojë çiftet e fazës eliminatore pa praninë e përfaqësuesve të klubeve.
Shorti i çifteve në Nyon është caktuar për 13 dhjetor.
Situata me koronavirusin dhe rrugëtimi i vështirë e kanë detyruar UEFA-n të merrte një vendim tjetër.
Kështu ka ndryshuar plani i shortit për Ligën e Kombeve, nga sezoni 2022/23.
Është dashur të mbahej më 16 dhjetor në Montreux të Zvicrës, por gjithçka do të bëhet sërish në Nyon.