Shpëtohen minatorët e bllokuar në Zimbabve

15 minatorët e bllokuar pas shembjes së një miniere ari në provincën Manicaland të Zimbabve u shpëtuan me sukses të dielën.

Minatorët u bllokuan nën tokë të enjten në minierën Redwing të drejtuar nga kompania “Metallon Corporation” në zonën Penhalonga të provincës Manicaland, pasi një pjesë e minierës u shemb.

Qeveria nxitoi të ndihmojë në shpëtimin e minatorëve, duke u bashkuar me ekspertë të minierave nga “Metallon Corporation” dhe “Fredda Rebbeca Gold Mine”.

“Të gjithë dolën të gjallë,” tha për Anadolu ministri i Minierave të Zimbabve, Soda Zhemu.