(Lajm i përditësuar)
Shqipëri-Poloni, formacionet zyrtare
Tashmë kombëtarja shqiptare ka bërë të ditur formacionin, i cili do të jetë thuajse i njëjtë me përballjen me Çekinë.
Ndryshim do të jetë në krahun e majtë të sulmit, ku nuk do të jetë Seferi, por Myrto Uzuni. Dhe në portë nuk është Etrit Berisha, por Thomas Strakosha.
Formacioni i Shqipërisë:
Atmosfera para ndeshjes mes Shqipërisë dhe Polonisë
Kur kanë mbetur më pak se më pak se dy orë deri te fillimi i ndeshjes mes Shqipërisë dhe Polonisë, atmosfera në Tiranë është e jashtëzakonshme.
Tifozët “KUQEZI”, tifo-grupi nga Prishtina “Plisat” dhe “Forca” nga Vushtrria, e kanë ndezur atmosferën në Tiranë, para stadiumit “Air Albania”.
Tifozët po brohorasin “Shqipëri etnike” e “UÇK”, duke treguar përkrahje tejet të madhe për kombëtaren “kuqezi”.
Më poshtë mund t’i gjeni disa video direkte të atmosferës në Tiranë.
“Plisat” e ndezin Tiranën para ndeshjes Shqipëri-Poloni
Sonte me fillim nga ora 20:45 stadiumi “Air Albania” i Tiranës do të jetë nikoqir i super ndeshjes mes Kombëtares së Shqipërisë dhe asaj të Polonisë.
Federata Shqiptare e Futbollit (FSHF) ka bërë të ditur që në stadium do të jenë të pranishëm afro 22 mijë tifozë në përkrahje të “kuqezinjve”.
Ndër ta do të jenë edhe tifo-grupi nga Prishtina, “Plisat”, të cilët nuk mungojnë asnjëherë në ndeshjet e Shqipërisë.
Para ndeshjes, në një video të publikuar në “Facebook” nga faqja “Hooligans TV”, “Plisat” shihen duke e “kallur” Tiranën me këngë e festime.
