Shqipëria ka bërë një paraqitje fantastike dhe e ka mposhtur San Marinon me rezultat të thellë 5-0 në “Air Albania”.
Kuqezinjtë shënuan vetëm një gol në pjesën e parë më anë të Rey Manajt në minutën e 38’, por i realizuan edhe katër të tillë në fraksionin e dytë të ndeshjes.
Laci, Broja, Hysaj dhe Uzuni u shënuar në listën e realizatorëve në pjesën e dytë për t’i siguruar tri pikët e radhës shumë të rëndësishme.
Grupi I kryesohet nga Anglia me 18 pikë, ndërsa Shqipëria tani është në vendin e dytë me 12 pikë, dy më shumë se Polonia e vendit të tretë.
