​Shtëpia e Bardhë: Ne po negociojmë me Izraelin dhe Egjiptin për kalimin e sigurt të civilëve

SHBA po punon me Izraelin dhe Egjiptin për daljen e mundshme të sigurt të disa civilëve nga Gaza, njoftoi sonte Shtëpia e Bardhë.

“Administrata Biden është në “diskutime aktive” për të ndihmuar civilët e Gazës të largohen të sigurt”, tha zëdhënësi i Sigurisë Kombëtare të Shtëpisë së Bardhë, John Kirby.

“Ne besojmë se kalimi i sigurt është i rëndësishëm dhe duam të hapim një korridor kalimi të sigurt”, shtoi ai.