Të paktën 720,000 njerëz në rajonet lindore të Ukrainës të kontrolluara nga rebelët kanë marrë tani nënshtetësinë ruse, thotë agjencia ruse e lajmeve Itar-Tass.
Oferta e shtetësisë së Rusisë po alarmon qeverinë ukrainase, e cila dëshiron që monitoruesit ndërkombëtarë të raportojnë për të, transmeton rtv21.tv.
Ministri i Jashtëm, Dmytro Kuleba i kërkoi Organizatës për Sigurinë dhe Bashkëpunimin në Evropë të hetojë, duke thënë se “pasaportizimi” i qytetarëve ukrainas nga Rusia ishte një “temë shumë e dhimbshme”.
Presidenti rus, Vladimir Putin nënshkroi një dekret në prill të vitit 2019 që lejon njerëzit në rajonet Donetsk dhe Luhansk të marrin nënshtetësinë ruse në një bazë të shpejtë për arsye “humanitare”.
Një frikë në Ukrainë është se Rusia mund të përdorë qytetarët e saj të rinj në zonën e konfliktit si pretekst për një ndërhyrje ushtarake./21Media
