Qendra e Numërimit dhe Rezultateve ka njoftuar se sot do të bëhet rinumërimi i 12 vendvotimeve sipas vendimit të Komisionit Qendror të Zgjedhjeve (KQZ).
Nga QNR-ja është njoftuar se rinumërimi fillon nga ora 08:30, ndërsa do të jenë 16 vëzhguesë për një subjekt politik do të lejohen të vëzhgojnë.
Vendvotimet që rinumërohen vijnë nga këto komuna: Gjakovë (1); Fushë Kosovë (1); Rahovec (1); Podujevë (3); Prizren (2); Skenderaj (1); Suharekë (1); Ferizaj (1); dhe Vushtrri (1). Kështu u bë e ditur në mbledhjen e sotme të KQZ-së. KQZ-ja në mbledhjen e sotme ka bërë të ditur se materialet e 101 vendvotimeve janë dërguar në karantinë./21Media
