Pjesëmarrës dhjetë kompani shqiptaro-britaneze
Në Pallatin e Rinisë në Prishtinë, sot hapet panairi “Expokos”. Ky panair mbledh në një vend kompani të specializuara në fushën e ndërtimtarisë, energjetikës, teknikës dhe patundshmërisë.
Pjesë e këtij edicioni të panairit janë kompani prestigjioze nga Britania, Italia, Gjermania, Greqia, Turqia si dhe një numër i madh i kompanive nga vendi dhe shtetet e tjera të Ballkanit, të cilat për vizitorët e panairit do të prezantojnë risitë e fundit në fushat e tyre.
Në këtë vit do të marrin pjesë edhe dhjetë kompani shqiptaro-britaneze të organizuara nga Oda Ekonomike Britanike.
Qëllimi kryesor i organizimit të përvitshëm të këtij panairi është gjetja e partnerëve të biznesit dhe klientëve të rinj si nga kompanitë vendore ashtu edhe nga ato ndërkombëtare.
