Kosova përfaqësohet nga Kryeministri Mustafa
Sot mbahet Samiti i Ballkanit Perëndimor në Trieste të Italisë, ku Kosova përfaqësohet nga kryeministri në detyrë, Isa Mustafa. Samiti i Triestes me moton “Forcimi i bashkëpunimit rajonal për një rrugë më të shpejtë drejt BE”, do të ketë në fokus projektet e përbashkëta dhe shihet si shans i mirë që kryeministrat dhe ministrat e punëve të Jashtme, Ekonomisë dhe Transportit të gjashtë vendeve të Ballkanit Perëndimor të vazhdojnë bisedimet për forcimin e bashkëpunimit, zhvillimin ekonomik dhe integrimin e këtyre vendeve në Bashkimin Evropian.
Në samitin e Triestes do të marrin pjesë edhe përfaqësuesja e lartë e BE-së, Federica Mogherini, komisionari për zgjerim i BE-së, Johannes Hahn dhe komisionarja për transport, Violeta Bulc./21Media
