Sot vazhdon seanca gjyqësore ndaj dy të akuzuarve për spiunazh
Sot do të mbahet seanca gjyqësore ndaj dy të akuzuarve për spiunazh, Bedri Shabani dhe Muharrem Qerimi.
Seanca e datës 13 nëntor u ndërpre pas përjashtimit të përkohshëm të publikut dhe konstatimit të gjendjes jo të mirë shëndetësore të të akuzuarit, Bedri Shabani, transmeton KosovaPress.
Prokuroria Speciale e Republikës së Kosovës (PSRK) më 19 shkurt 2025 ka ngritur aktakuzë ndaj Bedri Shabanit dhe Muharrem Qerimit, për veprën penale “Spiunazh.
Të njëjtit dyshohen se i kanë dhënë informacione Shërbimit Sekret Serb (BIA), mbi Ushtrinë Çlirimtare të Kosovës (UÇK), masakrat në Kosovë, Agjencinë Kosovare të Inteligjencës, Policinë e Kosovës e Inspektoratin Policor të Kosovës.
Në viti 2024 janë arrestuar dy persona, Bedri Shabani dhe Muharrem Qerimi, të cilët dyshohet se kanë bashkëpunuar me BIA-n serbe. Arrestimi i tyre ishte bërë i mundur pas zbulimit nga Agjencia Kosovare e Inteligjencës (AKI).
