​Stadiumi “Fadil Vokrri” hap dyert për një tjetër ndeshje evropiane

Në raundin e parë të kualifikimeve të Ligës së Konferencës, Malisheva do të nis rrugëtimin e saj me ballafaqimin kundër skuadrës islandeze, Vikingur.

Skuadra e drejtuar nga trajneri Bekim Isufi kërkon rezultat pozitiv në ndeshjen e sotme e cila zhvillohet në stadiumin “Fadil Vokrri” me fillim nga ora 20:15.

Ndryshe, Malisheva siguroi pjesëmarrjen në garat evropiane pasi përfundoi si e treta në renditjen tabelare të Superligës së Kosovës edicionin e kaluar.