Sulmet e Ukrainës detyrojnë flotën armike ruse të zhvendosë anijet nga Deti i Zi
Flota ruse në Detin e Zi është detyruar të zhvendosë shumë anije luftarake nga baza e saj detare Sevastopol të gadishullit Krimea, e cila u aneksua nga Rusia në vitin 2014, për shkak të sulmeve të ashpra ukrainase.
Deklarimet e Dmitry Rogozin, një senator rus për rajonin e kontrolluar Zaporizhzhia dhe ish-kreu i agjencisë ruse të hapësirës, janë konfirmimi i parë zyrtar rus se flota duhej të zhvendosej nga Sevastopol.
Autoritetet ukrainase kanë thënë vazhdimisht se për shkak të sulmeve të tyre ndaj anijeve luftarake ruse në Detin e Zi, Moskës iu desh t’i zhvendoste anijet në Novorossiysk.
Rogozin tha për Moskovski Komsomolets se anijet e flotës ruse në Detin e Zi u “shndërruan në objektiva të mëdha për dronet pa pilot”.
Rusia ishte prapa në teknologjinë e dronëve në fillim të luftës më 2022 dhe tash duhet të lëvizë më shpejt në krijimin e regjimenteve speciale të dronëve, paralajmëron Rogozin, duke shtuar se sistemet e drejtimit satelitor dhe të bazuara në sipërfaqe, të cilat mund të kapërcejnë luftën elektronike, janë të një rëndësie të veçantë për të mundësuar shënjestrimin e saktë.
