Sveçla: Policia e gatshme t’i mbrojë qytetarët nga çdo element që rrezikon sigurinë
Ministri në detyrë i Punëve të Brendshme, Xhelal Sveçla, ka thënë se Policia e Kosovës është e gatshme t’i mbrojë qytetarët nga çdo element destabilizues që rrezikon sigurinë e vendit.
Kështu është shprehur në ceremoninë solemne ku u ndanë certifikatat për pjesëmarrësit në trajnimin e specializuar “Mbrojtja e VIP-ve”, i zhvilluar në kampin e Njësive Speciale “Vrella” në Sllatinë.
“Policia jonë e ka dëshmuar zbatimin e mandatit të saj dhe që është e gatshme të mbrojë qytetarët dhe çdo element destabilizues që rrezikon sigurinë tonë”, ka thënë Sveçla.
Trajnimi, i cili pati për qëllim rritjen e kapaciteteve profesionale në mbrojtjen e figurave të rëndësishme, është realizuar në bashkëpunim ndërmjet institucioneve të sigurisë së Kosovës dhe Turqisë.
