Ambasadori i zyrës së BE-së në Kosovë, Tomas Szunyog ka vizituar Komunën e Kaçanikut dhe Hanit të Elezit, për të diskutuar lidhur me problemet që ballafaqohen dhe për të shikuar mundësinë se si mund t’i mbështesin.
Ambasadori i zyrës së BE-së në Kosovë, Tomas Szunyog ka vizituar Komunën e Kaçanikut dhe Hanit të Elezit, për të diskutuar lidhur me problemet që ballafaqohen dhe për të shikuar mundësinë se si mund t’i mbështesin.
Megjithatë, Szunyog ka vizituar edhe dy fabrikat “KIVO” të qeseve dhe fabrikën që bënë përpunimin e ujit, të cilat janë të financuara nga BE-ja.
Szunyog, ka shtuar se është diskutuar shfrytëzimi i fondeve që janë të caktuara për bashkëpunim ndërkufitarë, pasi sipas tij dy komunat janë në kufi me Republikën e Maqedonisë së Veriut.
“Kemi mbështetur që të dy komunat është një pjesë që e bëjmë së bashku me donatorët e tjerë që është granti për performancën komunale. Të dy komunat janë në kufi me Republikën e Maqedonisë së Veriut diskutuam edhe për shfrytëzimin e fondeve që janë të caktuara për bashkëpunim ndërkufitarë që të mund të shfrytëzoheshin si nga Kosova ashtu edhe nga Maqedonia e Veriut”, ka shtuar ai.
Sunyog, për fund ka vizituar edhe parkun memorial “Bllaca 99”.
