Ka përfunduar sot xhiro e shtatë e Superligës së Kosovës, ku kemi pasur disa rezultate tejet interesante.
Dy nga ndeshjet më interesante të kësaj xhiroje ishin ajo mes Drenicës e Malishevës dhe Dukagjinit e Dritës, ndeshje këto në të cilat triumfuese ishin skuadrat vendase.
Ndeshje interesante ishte edhe ajo mes Gjilanit e Llapit, në të cilën skuadra e Gjilanit shënoi fitore me rezultat të ngushtë 2:1.
Pas shtatë xhirove të zhvilluara, tabelën e kryeson skuadra e Drenicës me 14 pikë, një më shumë se vendi i dytë Ballkani. Top 4 e mbyllin skuadra e Gjilanit me 12 pikë dhe ajo e Malishevës me 11 sosh.
Në anën tjetër, në fund të tabelës gjenden Ulpiana në kuotën e gjashtë pikëve, dhe skuadra e Llapit me vetëm tre sosh.
Renditjen tabelare të Superligës së Kosovës e gjeni më poshtë.
1.Drenica – 14 pikë
2.FC Ballkani – 13 pikë
3.Gjilani – 12 pikë
4.Malisheva – 11 pikë
5.Drita – 11 pikë
6.Prishtina – 9 pikë
7.Feronikeli – 7 pikë
8.Dukagjini – 6 pikë
9.KF Ulpiana – 6 pikë
10.KF Llapi – 3 pikë.
