Të paktën tre persona, përfshirë të dyshuarin, kanë vdekur dhe gjashtë të tjerë janë plagosur pas të shtënave në një shkollë të mesme në St Louis, Missouri.
Personi i armatosur hyri në Shkollën e Mesme Qendrore Visual & Performing Arts pak pas orës 09:00 me orën lokale.
Dyert e objektit të shkollës ishin të mbyllura dhe nuk ishte e qartë se si hyri i dyshuari.
Shkollat publike të St Louis kanë thënë se policia “e ndaloi shpejt” sulmuesin.
Nuk dihet ende as motivi dhe as lidhja e tij me shkollën prej rreth 400 nxënësish.
Një vajzë u shpall e vdekur brenda shkollës, ndërsa një grua vdiq në spital, tha policia për mediat lokale.
Studenti i vitit të parë Raven Terry i tha stacionit lokal të lajmeve KMOV se sulmuesi kishte shkuar te një shoqe dhe e kishte pyetur atë “A jeni gati të vdisni?” – sulmuesi besohet të jetë afër të 20-ave./21Media
