Notarët nga Kosova, Alush Telaku dhe Vanesa Beka, vazhduan garat sot në Lojërat Mesdhetare Oran 2022.
Telaku garoi në 200 metra delfin, ku e mbylli garën në vendin e gjashtë, aq sa ishin garues, me kohë 2:13.84 minuta.
Kurse Beka garoi në disiplinën 50 metra bretkosë dhe doli e pesta, aq sa ishin garues, me kohë 37.14 sekonda.
Vanesa Beka është 15-vjeçare dhe garat në Lojërat Mesdhetare Oran 2022, ku garoi me seniore, do të jenë përvojë e mirë për garat e ardhshme ndërkombëtare.
Telaku garon edhe nesër në 100 metra delfin, ku do të mbyllet edhe garimi i ekipit tonë në Oran./21Media
