Telekomi i Kosovës sot është ballafaquar me sulme kibernetike, ku si pasojë kanë rënë edhe shërbimet e internetit.
Zëdhënësi i Telekomit të Kosovës, Fadil Lepaja, për portalin rtv21.tv ka thënë se Telekomi i Kosovës ka rikthyer shërbimet e prekura të internetit në rrjetin e telefonisë mobile dhe fikse.
“Ju kemi njoftuar se Telekomi i Kosovës sot është ballafaquar me sulme kibernetike. Edhe pse sulmet kanë vazhduar, Telekomi i Kosovës ka rikthyer shërbimet e prekura të internetit në rrjetin e telefonisë mobile dhe fikse. Ju falënderojmë për mirëkuptimin tuaj!”, ka thënë Lepaja./21Media
