Temperaturat e larta sjellin kufizime në qarkullim, Durmishi: Ndalohet lëvizja e automjeteve mbi 15 ton gjatë ditës
Zëvendësministri në detyrë i Infrastrukturës, Hysen Durmishi, ka njoftuar për një masë të re kufizuese që hyn në fuqi nga nesër, më 23 korrik, si pasojë e temperaturave të larta që kanë përfshirë vendin.
Përmes një njoftimi në rrjetin social Facebook ai ka thënë se kjo ndalesë vlenë nga ora 11:00 deri në 17:00, teksa shtoi se ky vendim mund të ketë ndryshim varësisht nga kushtet klimatike gjatë ditëve në vijim.
“Për shkak të temperaturave të larta që po mbretërojnë këto ditë kemi marrë vendim për ndalimin e qarkullimit të automjeteve me peshë mbi 15 T, në autoudhë, rrugë nacionale dhe rajonale. Ndalesa vlenë nga ora 11:00 e deri në 17:00, duke filluar nga nesër me 23 korrik e deri me 28 korrik. Ky vendim mund të ndryshohet varësisht nga kushtet klimatike gjatë ditëve në vijim”, thuhet në njoftim. /21Media
