Pesë të tjerë mbetën të lënduar
Një tërmet me magnitudë 5.7 shkallës Rihter goditi kufirin e Turqisë me Iranin sot herët në mëngjes.
Ministri i Brendshëm i Turqisë, Sulejman Soylu tha se 7 persona, duke përfshirë 3 fëmijë, humbën jetën në Lindjen e Turqisë pas një tërmeti, transmeton 21Media.
5 persona u lënduan dhe u dërguan në spital, tha Soylu, duke shtuar se njerëzit e tjerë besohet se janë bllokuar nën rrënoja.
“Përpjekjet e kërkimit dhe shpëtimit janë duke vazhduar”, tha ai.
Epiqendra e tërmetit, ishte afër fshatit iranian Habash-e Olya, më pak se 10 kilometra nga kufiri.
Anadolu tha se tërmeti shkaktoi dëme në disa fshatra në provincën fqinje Van./21Media
