Certifikohen 61 rekrutë të FSK nga komunitetet pakicë
Presidenti i Kosovës, Hashim Thaçi, tha sot se përbërja etnike e FSK-së tregon më së miri se si duhet integruar komunitetet në jetën institucionale dhe se FSK nuk dallon shumë nga ushtritë e rajonit. Ai këto komente i bëri me rastin e certifikimit të 61 rekrutëve të FSK-së nga komunitetet jo shumicë, pas trajnimit 9 javor në Qendrën e Doktrinës dhe Stërvitjeve në Ferizaj. Të sapo certifikuarit, janë shprehur të lumtur që i shërbejnë kësaj force dhe se nuk i pengon transformimi i FSK-së në Forca të Armatosura./21Media
