Theret me thikë në Prishtinë pas një mosmarrëveshjeje, policia kërkon të dyshuarin
Një incident me thikë është raportuar mbrëmjen e së mërkurës në rrugën “Ismet Krasniqi” në Prishtinë.
Sipas policisë, rasti ka ndodhur rreth orës 20:45, kur një burrë kosovar ka njoftuar organet e rendit se është sulmuar me thikë nga një person tjetër, pas një mosmarrëveshjeje mes tyre. Viktima është dërguar menjëherë për trajtim mjekësor.
I dyshuari është larguar nga vendi i ngjarjes dhe aktualisht është në kërkim nga policia, ndërsa hetimet për zbardhjen e plotë të rastit po vazhdojnë.
“Rr. Ismet Krasniqi Prishtinë 19.11.2025 – 20:45. Ankuesi mashkull kosovar, ka njoftuar policinë se pas një mosmarrëveshje është goditur me thikë nga i dyshuari mashkull kosovar. Viktima është dërguar për trajtim mjekësor, ndërsa i dyshuari është në kërkim të policisë”, thuhet në raportin e Policisë së Kosovës.
